Говьсүмбэр аймгийн Онцгой байдлын газрын бие бүрэлдэхүүн 2023 оны 11 дүгээр сарын 15-ны өдөр Шивээговь суманд ирж гамшгаас хамгаалах алба, мэргэжлийн ангийн хүн хүч, тоног төхөөрөмж, багаж хэрэгсэл, хүн нэг бүрийн хээрийн үүргэвчийн бэлтгэл, бэлэн байдлыг шалгах ажлыг зохион байгуулж ажиллалаа. Бэлэн байдлын үзлэгт сумын мэргэжлийн ангийн 60 гаруй гишүүн хамрагдсан байна. Мөн нийт нутгаар цас их унасны улмаас гамшгийн хэмжээнд хүрч болзошгүй тул эрсдлээс сэргийлж, сумын мэргэлийн ангийн бие бүрэлдэхүүнийг бэлэн байдалд шилжүүлэх, хуваарьт оруулах үүрэг өглөө.

2-Р БАГИЙН ИРГЭДИЙН НИЙТИЙН ХУРАЛДААНЫ ТОВ 2023 ОНЫ 11 ДҮГЭЭР САРЫН 07-НЫ ӨДӨР ЗОХИОН БАЙГУУЛАГДАХААР БОЛЛОО. УГ ХУРАЛДААНААР 1. СУМЫН 2-Р БАГТ БАЙРЛАХ 20 ГА ГААЛИЙН ХЯНАЛТЫН ТАЛБАЙН ТӨСЛИЙН БАЙГАЛЬ ОРЧНЫ НӨЛӨӨЛЛИЙН НАРИЙВЧИЛСАН ҮНЭЛГЭЭНИЙ ТАЙЛАН СОНСОХ 2. ГАЗАР ЗОХИОН БАЙГУУЛАЛТЫН 2024 ОНЫ ТӨЛӨВЛӨГӨӨНД ТУСГАХ ӨВӨЛЖӨӨ, ХАВАРЖААНЫ ЭЗЭМШЛИЙН ГАЗРЫН САНАЛ ГЭСЭН АСУУДЛУУДЫГ ХЭЛЭЛЦЭНЭ.

Дэлхийн гэр бүлийн өдрийг тохиолдуулан Шивээговь сумын гэмт хэргээс урьдчилан сэргийлэх ажлыг зохицуулах салбар зөвлөлөөс "Монгол эр хүний бахархал, нэр хүнд", "Гэр бүлийн үнэ цэнэ" сэдэвт лекцийг зохион байгууллаа. Лекцийг Говьсүмбэр аймгийн эрэгтэйчүүдийн холбооны тэргүүн, жендерийн сургагч багш, Лектор Т.Болдбаатар удирдан явууллаа. Уг арга хэмжээнд нийт 6 байгууллагын 33 албан хаагч хамрагдлаа.

Аймгийн онцгой байдлын газрын сургалтын баг 2023 оны 04 дүгээр сарын 25-ны өдөр Шивээговь суманд "Байгууллагын аюулгүй байдлыг хангах, урьдчилан сэргийлэх арга хэмжээ" сэдэвт сургалтыг зохион байгууллаа. Уг сургалтанд ИТХ, ЗДТГ, Соёлын төв, Эрүүл мэндийн төвийн нийт 30 гаруй ажилтан, албан хаагчид хамрагдлаа. Мөн ерөнхий боловсролын 3-р сургуулийн ахлах ангийн суралцагчдад Дотоод хэргийн их сургуулийн элсэлт болон өөрсдийн ажил мэргэжлийн онцлогийн талаар мэдээлэл өглөө.