Гэмт хэргээс урьдчилан сэргийлэх ажлыг зохицуулах салбар зөвлөлийн 2-р хурал 2026 оны 06 дугаар сарын 03-ны өдрийн 09 цагт ИТХ-ын даргын өрөөнд боллоо. Уг хурлаар "Хамтдаа урьдчилан сэргийлье" нөлөөллийн аяны тайланг хэлэлцэж дүнгээ гаргалаа

Сумын гэмт хэргээс урьдчилан сэргийлэх ажлыг зохицуулах салбар зөвлөл, хамтарсан баг хамтран ерөнхий боловсролын сургуулийн дунд, ахлах ангийн суралцагчдын "Хамтдаа урьдчилан сэргийлье" нөлөөллийн аяныг 2026 оны 04 дүгээр сарын 06-ны өдрөөс эхлэн 45 хоногийн хугацаанд амжилттай зохион байгуулж дүнгээ гаргалаа. Нийт 5 ангийн 100 гаруй суралцагч хамрагдснаас: Анги хамт олны төрөлд: 🥇Тэргүүн байр – Ч.Түмэн-Очир багштай 10Б анги 🥈Дэд байр – Г.Отгонсүрэн багштай 7В анги 🥉 Гутгаар байр – Ц.Баярмаа багштай 11Б анги Чиглүүлэгч гишүүний төрөлд: 🥇 Тэргүүн байр – Нэрт багийн Засаг дарга С.Эрдэнэчимэг 🥈 Дэд байр – ЕБС-ийн нийгмийн ажилтан Б.Алтанцэцэг 🥉 Гутгаар байр – III цэцэрлэгийн эрхлэгч Б.Даваадолгор нар тус тус эзэлсэн байна. Нөлөөллийн аянд идэвхи санаачлагатай оролцсон суралцагч хүүхдүүддээ сурлагын өндөр амжилт хүсье. Мөн чиглүүлж зохион байгуулсан гишүүддээ талархал илэрхийлье.