Шивээговь сумын ЗДТГ-ын хурлын танхимд "Малын тоо толгойд ногдох албан татварыг орон нутгийн хөгжлийн сангийн журмаар дамжуулан зохицуулах нь" сэдэвт чадавхжуулах сургалтыг Тогтвортой амжиргаа -3 төслийн зохицуулагч Л.Уранчимэг, Сүмбэр сумын хөрөнгө оруулалт, худалдан авах ажиллагаа хариуцсан мэргэжилтэн М.Долгормаа нар зохион байгуулж явууллаа. Уг сургалтанд ИТХ-ын төлөөлөгч, ажлын алба, БИНХ-ын дарга болон ЗДТГ-ын ажлын хэсгийн гишүүд нийт 16 албан хаагчид хамрагдаж МТТАТ-ын бүрдүүлэлт, зохицуулалт, гүйцэтгэлд хяналт тавих тухай мэдээллээр ханган ОНХС-ийн хөрөнгөөр хэрэгжүүлэх хөрөнгө оруулалт, хөтөлбөр, төсөл арга хэмжээнд байгаль орчны төлөв байдлын үнэлгээг хэрхэн хийх талаар арга зүйн зөвлөгөө өгч ажиллалаа.