Жил бүрийн 10 дугаар сарын 1-нийг “Олон улсын ахмадын өдөр” болгохоор НҮБ-ын Ерөнхий ассамблей 1990 онд зарлаж байсан бол Монгол Улсын Засгийн газар 1992 онд “Монголын ахмадын өдөр” хэмээн тэмдэглэхээр зарлаж байсан байна. Энэ өдрийг дэлхий нийтээр 28 дахь жилдээ, Монгол Улс 26 дахь жилдээ тэмдэглэж байна. Тус баярыг тохиолдуулан Шивээ Говь сумын Иргэдийн Төлөөлөгчдийн Хурлын дарга Ц.Эрдэнэбат мөн Иргэдийн Төлөөлөгчдийн Хурлын тэргүүлэгч П.Сарангэрэл нар харъяалалтай ахмадууддаа хүндэтгэл үзүүллээ.