2017 оны 10 дугаар сарын 11-нээс 10 дугаар сарын 15-ныг хүртэл цаг агаарын урьдчилсан мэдээ:

        10.11-ны өдөр нутгийн зүүн хэсгээр, 10.12-ны өдөр баруун болон төвийн аймгуудын нутгийн хойд хэсгээр, 10.13-ны өдөр төв болон зүүн аймгуудын нутгийн зарим газраар бага зэргийн цас орно. Салхи 10.12-ны өдөр зарим газраар, 10.13-ны өдөр говь, талын нутгаар секундэд 12-14 метр хүрч ширүүснэ. Алтай, Хангай, Хөвсгөл, Хэнтийн уулархаг нутгаар шөнөдөө 14-19 градус, өдөртөө 1-6 градус, говийн бүс нутгийн өмнөд хэсгээр шөнөдөө 0-5 градус хүйтэн, өдөртөө 6-11 градус дулаан, бусад нутгаар шөнөдөө 8-13 градус хүйтэн, өдөртөө 1 градус хүйтнээс 4 градус дулаан байна.