Олон улсын хүүхдийн эрхийг хамгаалах өдөр, эх үрсийн баярт зориулсан баярын нэгдсэн арга хэмжээ хүүхдийн тоглоомын талбайгаас 10:00 цагт сурагчдын парад жагсаалаар эхэлсэн юм. Баярын нэгдсэн арга хэмжээнд аймгийн иргэдийн Төлөөлөгчдийн Хурлын дарга Г.Батзам, аймгийн иргэдийн Төлөөлөгчдийн Хурлын нарийн бичгийн дарга Ж.Оюунбилэг, Шивээговь сумын иргэдийн Төлөөлөгчдийн Хурлын дарга Ц.Эрдэнэбат, сумын Засаг дарга В.Бат-Эрдэнэ нар оролцлоо.
Баярын нэгдсэн арга хэмжээ алдарт эхийн 2-р зэргийн одон гардуулах ёслолын арга хэмжээгээр эхэллээ. Монгол улсын хэмжээнд алдарт эхийн одонгоор 108 эхчүүд энгэрээ мялаасан бол манай сумын хэмжээнд 6 сайхан ээж алдарт эхийн 2-р зэргийн одонгоор энгэрээ мялаасан байна. Шивээ-Овоо хувьцаат компанийн хүний нөөц бодлогын хэлтсийн бүтээмж хариуцсан мэргэжилтэн Чангаагийн Энхжаргал, Шивээсервис ХХК-ийн ажилтан Санжийн Минжбадгар, сумын 1-р багийн иргэн Даваажавын Эрдэнэ, Баянмөнхийн Соёлмаа, Өлзийбаярын Урнаа, сумын 2-р багийн иргэн Доржийн Уянга нар энэ сайхан билэгт өдөр алдарт эхийн 2-р зэргийн одонгоор энгэрээ мялаасан байна. Олон хүүхэд төрүүлж өсгөнө гэдэг эмэгтэй хүний эх орондоо оруулж буй хамгийн үнэтэй хувь нэмэр юм.
Баярын арга хэмжээ Шивээговь сумын соёлын төвийн дэргэдэх бүжгийн дугуйлан, дууны дугуйлан, хөгжмийн дугуйлангийн сурагчдын тоглолтоор үргэлжилсэн байна.
